ЧЕТВРТА СЛИКА

Во истиот ритам се слушаат тешки удари, најпрво како далечни, потоа како силни и блиски татнежи на челик. Сликата преминува со еден бизарен, поместен сензуален сиреализам на сцената на која необичното осветление открива како во длабочинаата некаде од подот излегуваат големи фалусно-симболични гранати, ритмично кревајќи се и пуштајќи се под нивото на сцената.
Со промената на светлината се открива еден нов агол на гледање, кај кој во длабочината на сцената, како гледалиштето да е поставено во некоја голема Вагина, со истиот ритам продира и се повлекува еден голем фалусен објект. Сликата се бои во впечатливи, нестварни бои.
С# додека напред, вертикално осветление не го осветли Јосифа загледан над гледалиштето, кој со едната рака за вратот ја држи Марија, клапната покрај неговите нозе. Покрај нив е леген за одмивање на ниски ногарки.


МАРИЈА:
Господе, што ми направи ...

ЈОСИФ:
Јас сум овде Господ Бог ...

МАРИЈА:
(Плаче) Боже!..

ЈОСИФ:
...и немој да имаш други освен мене!

МАРИЈА:
(Гласно липа)

ЈОСИФ:
...освен ако не ти наредам јас ...(ја фаќа за косата) Како се викаш!? ...

МАРИЈА:
(Не му одговара. Липа.)

ЈОСИФ:
(Тој ја силно ја потегнува за косата) Реков, како се викаш! ...

МАРИЈА:
Марија!..

ЈОСИФ:
(Зема со двете раце вода од легенот и ритуално & ја истура водата на глава, во едно поместено кршевање) Од сега не си веќе Марија. Твоето име е Сара. Ќе бидеш мајка на народи. Од моите породи. Кажи како се викаш!

МАРИЈА:
(Скршена) Сара!..

Во позадината, кадешто с# уште налудничаво работи тревожната сексуална машинерија на војната, се пали контралихтно светло. Таму, Магдалена, расчекорена над ист таков леген, се одмива, со с# побрзи потези, следејќи го ритмот на дијалогот..

ЈОСИФ:
И што ќе бидеш?

САРА:
Мајка на народи!

ЈОСИФ:
Кој сум јас!

САРА:
Господ Бог.

ЈОСИФ:
...и немој ...Што?

САРА:
...и нема да имам други освен тебе!

ЈОСИФ:
Амин!

Сцената на ритуалот од воведувањето во наложништвото кулминира.
Јосиф ја кажува оргзаматички својата последна реплика, останувајќи расчекорен со кренати раце и глава.
Бизарната сиреалистичка еротско-танатичка машинерија, силно татнејќи, продолжува да работи.